金道集团证券期货外汇贵金属商业地产
金道论坛
ENG
首页即时资讯即时资讯 财经新闻

财经新闻

《小传日记》升势暂时歇一歇,鱼缸险守两万二2012-11-05 17:38:43

  《小传日记》鱼缸上星期强势抢上22000大关突破14个月高位,高处自然系有点不胜 寒,加上上星期五(2日)美股跌超过100点,今日(5日)恒指开市之后都有小小压力,轻 微低开之后整体上喺22000水平上上落落,最高见过22141,低位就穿过22000报 21990,收市就跌咗104点造22006。国货指数就跌65点,报10768。   大市成交上星期突破700亿大关之后今日亦回一回气,只系有517﹒3亿银。 *大象派季绩满地眼镜碎,借势回一回伦敦先质低*  今日鱼缸回一回,先睇睇大价股嘅表现。大象(00005)今日收市之后公布第三季度表现 ,大行就几乎清一色咁唱好。所谓「希望愈大,失望亦愈大」,大象最终赚咗50亿美金,虽然 只系轻轻差过市场预期,但伦敦嗰边就雀声唔见2%。大象份热辣辣嘅报告显示,佢地会将同美 国指称其帮助洗钱有关嘅罚款拨备提高到最多15亿美金,亦即系话继7月半年业绩之中披露7 亿美金拨备之后,公司又要再划多8亿美金做拨备。大象绩前表现麻麻地,全日微跌0﹒3巴仙 ,睇下明日会点反应。   祖国电信族都要回一回,好似联通(00762)今日再插多1﹒6巴仙,中电信 (00728)跌咗0﹒2巴仙。上星期已经有传闻话联通同中电信会喺下个月开始卖 iPhone,上台价亦都出咗,话同上一代型号差唔多,即系无乜加价嘅能力。不过依家 iPhone唔再系吸客嘅保证,加上又要大额补贴,跌都系正常。另外中移(00941)亦 都回软0﹒6巴仙。 *瑞银来唱淡中远即插水,船仔齐回航海中唞唞气*   祖国钱庄虽然多大行撑场,但今日四大行都要回一回气,工行(01398)跌1﹒3巴仙 ,农行(01288)唔见1﹒4巴仙,建行(00939)同工行(01398)各跌 0﹒7巴仙及1﹒3巴仙。   大只佬跌得最多嘅系中远太平洋(01199),全日唔见5巴仙,皆因佢地畀瑞银唱淡。 瑞银话中远太平洋第四季嘅纯利可能按季跌24%,因为码头嘅吞吐量麻麻地,而集装箱嘅生产 亦都未见起色。另外,瑞银觉得好难估计税率提高咗对中远太平洋有几大影响。瑞银以「相反理 论」去睇中远太平洋,话而家差唔多有廿间大行畀「买入」评级,换句话说实降级嘅危险系极高 ,叫缸友放心沽货,目标价睇10蚊。而同行招商局(00144)亦都陪跌,全日唔见咗 1﹒1巴仙。   可能系畀中远太平洋报告吓一吓,上个星期气势如虹嘅船仔股今日部分亦都借势回一回。中 海发展(01138)同中国远洋(01919)分别跌2﹒4巴仙同0﹒5巴仙散场。 *二手楼冰封德银踩多脚,地主各走各新世界最靓*   政府公布「双辣招」之后嘅第二个周末,二手楼市就一样咁「冰」,十大屋苑成交,竟然有 五个系捧蛋,情况都几吓人,而政府官员更加多次提到政府见势头唔对,会耍出更多嘅措施,就 更加令到楼市好友心惊惊。   德银对本地楼市再发表报告,指上星期二手盘成交价已见到5-8%下降,相信二手楼市场 短期将会有一成跌幅,同时预期未来两年楼价会有15至20%回调。不过佢地仍然都系睇好地 主股,首推长实(00001),因为长实资产周转率最高,销售目标亦都较广。其次就推介大 好友(00083)同中海外(00688)。长实同大好友软0﹒1巴仙,中海外话佢地今年 头十个月华东区销售已经超过去年全年,全日踢高半个巴仙。新地(00016)、恒地 (00012)各涨0﹒5巴仙及0﹒8巴仙,新世界(00017)更加踢高1巴仙。     *富士康埋镬到底炒边科?一日升三成花旗有荣焉*     今日镬铲友嘅焦点,几乎全部落晒喺一只富士康(02038)身上,事关今次似乎唔系「 狼来了」。早一个月大和有份报告就话富士康可能会得到阿妈畀佢地iPhone嘅订单,不过 报告出咗之后,有几间大行就话无乜可能。   事隔一排,花旗就出报告讲出同一番论调,佢地认为富士康业务明年将出现拐点,因为富士 康已经得到阿妈鸿海分判部分iPhone生产订单,理由系鸿海喺郑州嘅厂房,根本唔足以应 付iPhone订单,估计10月已经有做紧iPhone。花旗仲唱到佢地非常好,目标价大 幅上调45%至5﹒8银,评级就由「中性」上调至「买入」,亦系花旗过去三年以来,首次建 议「买入」。   有花旗力撑,富士康感觉当然唔止良好咁简单,一开波已经唛高15%,之后更加试过炒高 四成上到去3﹒8银水平,收市就报3﹒6银,大涨31﹒9巴仙埋单。   *车仔有阿爷不如踩转油,太阳光灿灿照协鑫卡姆*     股神巴菲特长远睇好嘅比亚迪(01211)收到个嚟自上海嘅好消息。消息话,喺上海买 新能源车可能可以免费拎到沪牌。另外,上海再针对电动车畀啲补贴帮补一下,根据每千瓦时补 贴2000银人仔嘅基准,每架电动车最多可以拎到10万银人仔嘅补贴!实在系唔讲得笑。比 亚迪收到风非常兴奋,升咗3﹒5巴仙,连续第四日收高。   其他车仔股嘅表现都唔差,大和证券就话,见到车仔制造商入口量少咗,而咁会帮到制造商 喺第四季减少库存。大和仲话,北京同上海嘅新车折扣已经减少,反映咗车商已经唔惊卖唔到货 ,车价嚟紧可能会回升。大和唱好下,长城(02333)同吉利(00175)一齐踩油,分 别升3﹒2巴仙同2巴仙散场。   太阳族亦都有好表现,保利协鑫(03800)弹高7巴仙埋单,创出三个月新高,卡姆丹 克(00712)弹高8﹒8巴仙散场。请请!   《编者按》本栏搜罗即日热门传闻,惟消息未经证实,《经济通》亦不保证内容之准确性        本文只供参考之用,并不构成要约、招揽或邀请、诱使、任何不论种类或形式之        申述或订立任何建议及推荐,读者务请运用个人独立思考能力自行作出投资决定        ,如因相关建议招致损失,概与《经济通》、编者及作者无涉。


关於金道
关於我们
金道贵金属
金道奖项
集团牌照
金道优势
投资者保障
金道代言人
集团背景
金道集团
证期汇投资
外汇投资
商业地产
最新消息
公司活动
最新推广
传媒报道
实时行情
价格资讯
即时报价
价格走势图
黄金走势图
白银走势图
即时资讯
即时资讯
黄金头条
交易场动态
产业快讯
财经新闻
财经日历
专业评论
每日评论
即市评论
交易策略
金道周评
金道专栏
金道视频
金道精点
新手教学
集团风采
订阅周评
开户交易
全新客户
申请开户
账户简介
网上开户流程
其他开户方法
现有客户
账户升级
模拟账户
存取指南
网上存款
网上银行转账流程
快速网银转账流程
电汇指引-电汇简介
取款流程
网上取款
网上取款流程
 
兑换率
桌面版交易平台
GTS平台
MT5平台
移动版交易平台
iPhone MT5
Android MT5
交易指南
全新客户
合约细则
交易方法
交易编码
实用工具
盈亏及利息计算
盈亏计算机
常见问题
账户问题
交易问题
其他问题
表格下载
黄金学院
交易词汇
金道文库

联络我们