金道集团证券期货外汇资产管理贵金属商业地产
金道论坛
ENG
首页即时资讯即时资讯 财经新闻

财经新闻

《小传日记》十八大明天闭幕,好友今天已失落!2012-11-13 17:34:59

  《小传日记》鱼缸噚日(12日)定一定神之后,以为喺阿爷十八大会议结束前夕都系会淡 静啲啲,点知淡友就借势发功,轻微低开之后就一路将个市踩低,21300失守之后最终连 21200都守唔住,全日收报21188跌241点,几乎系全日最低位收市;国货指数就跌 213点造10230。   鱼缸喺阿爷十八大会议期间涌到上22100点,点知个会都未开完,鱼缸就已经由高位回 落近1000点,真系过山车都无咁快。好友本来以为阿爷有咩新措施公布提振一下祖国鱼缸, 暂时换嚟嘅就只有失望同失落。鱼缸全日成交522﹒8亿银。 *成品油价格明天再调低?油股应声挫资源来相伴*   今日几只石油石化股嘅走势都比较差劲,皆因缸边消息指出,阿爷最快可能喺明日公布调低 成品油价格,石油石化族当然系唔多高兴。   不过最大影响都系普遍券商都唔系咁睇好。根据彭博社嘅统计,34份分析员之中,对中石 油(00857)嘅评分已经降低至3﹒4(买入系5分、持有系3份、卖出系1分),系三年 以来最低嘅水平,更加系全球15大石油及天然气公司之中敬陪末席。普遍嘅分析认为,中石油 每年被迫进口更多天然气,以低于市场价格再次出售,焗做蚀本生意所致。   中石油今日软1﹒9巴仙,中石化(00386)虽然就有老总傅成玉得到石油业国际大奖 ,不过佢地都要跌3巴仙散场。中海油就唔见0﹒9巴仙。   同样系能源嘅煤炭股已经连跌得日,神华(01088)再跌多2﹒5巴仙,中煤 (01898)唔见2﹒4巴仙。 *供权快拜拜美人头耷耷,汇证来唱好利丰逆市涨*   大只佬最重伤嘅系大美人(00330),全日泻1﹒8巴仙埋单,连带佢只供股权 (02949)今日亦都创出交易后嘅新低,全日唔见4﹒6巴仙。只供股权明日就系最后一日 交易。   地主股成绩都比较麻麻,虽然买家印花税同新嘅额外印花税推出之后,楼市进入冰封期,成 交系少咗,不过楼价就未见有大幅回落,最多只系有卖楼业主将唔系咁现实嘅叫价,调低至较为 贴市。有分析就话,新政策可能仲要多一两个月先见得到效果,新世界(00017)今日回软 3﹒6巴仙,大好友(00083)同长实(00001)各唔见1﹒2巴仙及1﹒7巴仙。   逆市升得最靓仔嘅系利丰(00494),佢地获得狮子券商唱好,更获得「十大超级好股 」名衔,今日真系一只好股,涨2﹒2巴仙埋单。 *内银齐齐碌最怕要伸手,A仔脚仔软创七周新低*   祖国钱庄就全线报跌,祖国有媒体报道,指美国虽然宣布无限期推迟「巴塞尔新资本协议」 (巴Ⅲ)生效日期,不过祖国钱庄业就未有延迟计划,因为落实的话更加可以推进祖国钱庄嘅健 康发展。   继续执行巴Ⅲ,最怕就系钱庄要集资应付资本要求。中行(03988)行长李礼辉就话今 年底前,中行都无股权融资计划,未来将通过内部资本留存同外部融资两种方式补充资本,今日 股价跌1﹒9巴仙;工行(01398)同建行(00939)各唔见1﹒8巴仙及1﹒7巴仙 ,交行(03328)就要跌2﹒2巴仙。   A仔场今日就创出7周新低,下跌1﹒5巴仙,主要系阿爷喉舌《新华社》有关应该扩大房 产税嘅文章拖累,另外亦担心祖国嘅消费市道会喺「光棍节」之后大幅回落。 *传闻扩税点内房晕一晕,基建大回吐船仔再下沉*   再传出扩大房产税试点,祖国地主都一齐脚仔软,大只嘅中国海外(00688)同埋华润 置地(01109)分别跌1巴仙及1﹒5巴仙,SOHO(00410)、龙湖 (00960)同雅居乐(03383)跌1巴仙至2﹒7巴仙。   资金继续出现由中字派撤退嘅迹象。中铁(00390)之前炒作阿爷加大基建投资,今日 无乜消息之下大跌6﹒2巴仙埋单,中交建(01800)都跌3﹒7巴仙。噚日比亚迪 (01211)嘅强势亦都无影无踪,今日软5﹒3巴仙。   水泥族回吐压力未减,花旗行叫缸友狠沽中建材(03323)同华润水泥 (01313),话佢地嘅股价系建立喺预期过高嘅水泥价格之上。今日中建材大跌3﹒4巴仙 ,润泥(01313)更唔见4巴仙,安徽海螺(00914)亦插水2﹒4巴仙。   船仔股连续第二日沉船,中海集运(02866)大跌4﹒8巴仙,中海发展 (01138)同中国远洋(01919)就分别跌5﹒3巴仙及4﹒1巴仙埋单。 *城电与有线齐齐来起舞,TVB软跌又有春江鸭?*   异动股仔就要睇下啲公仔箱股。依家政府发免费电视牌照真系搞到一锅粥咁,一边被现有经 营者系咁反对,但系另一边又被申请紧牌照嘅公司系咁催佢地快快发牌。城电(01137)嘅 王维基已经投资唔少钱准备开台,佢更加话今个月之内政府再无明确表示的话,佢就会向法院进 行司法覆核,逼政府做返啲嘢。佢一开声,今日股价就弹高8巴仙,连带一样有申请牌照嘅有线 宽频(01097)亦涨6﹒7巴仙埋单。   成事机会有几高系未知之数,不过TVB(00511)今日就要跌0﹒7巴仙,唔通呢个 真系市场嘅智能?请请!   《编者按》本栏搜罗即日热门传闻,惟消息未经证实,《经济通》亦不保证内容之准确性        本文只供参考之用,并不构成要约、招揽或邀请、诱使、任何不论种类或形式之        申述或订立任何建议及推荐,读者务请运用个人独立思考能力自行作出投资决定        ,如因相关建议招致损失,概与《经济通》、编者及作者无涉。


关於金道
关於我们
金道贵金属
金道奖项
集团认证
金道优势
投资者保障
金道代言人
集团背景
金道集团
证券
期货
外汇
资产管理
商业地产
最新消息
公司活动
最新推广
传媒报道
实时行情
价格资讯
即时资讯
即时资讯
黄金头条
交易场动态
产业快讯
财经新闻
财经日历
专业评论
每日评论
即市评论
交易策略
金道周评
金道专栏
金道视频
金道精点
新手教学
集团风采
订阅周评
开户交易
全新客户
申请开户
账户简介
网上开户流程
其他开户方法
现有客户
账户升级
开立关联账户
模拟账户
存取指南
网上存款
网上银行转账流程
快速网银转账流程
电汇指引-电汇简介
取款流程
网上取款
网上取款流程
 
兑换率
桌面版交易平台
GTS平台
MT5平台
移动版交易平台
iPhone MT5
Android MT5
交易指南
全新客户
合约细则
交易方法
交易编码
实用工具
盈亏及利息计算
盈亏计算机
常见问题
账户问题
交易问题
其他问题
表格下载
黄金学院
交易词汇
黄金教室

联络我们