金道集团证券期货外汇资产管理贵金属商业地产
金道论坛
ENG
首页即时资讯即时资讯 财经新闻

财经新闻

《小传日记》突传阿爷快放水,好友落场出力追!2012-11-21 17:42:45

  《小传日记》近排个市都真系「估你唔到」。噚日(20日)鱼缸应该升点知就要倒跌,今 日(21日)以为佢要跌,点知又升返转头。外围市况靠稳,鱼缸早段都系窄幅向好,食完午餐 之后,A仔场再次跌穿2000大关,都唔记得系第几次「狼来了」,点知之后祖国就传出人行 将会降低存准金,令到A仔场再反弹,香江鱼缸亦都反弹重上21500。恒指收市造 21524,升296点;国货指数就涨170点,报10397。   祖国无啦啦传出话会降存准金放水,虽然人行话「无收过」,但都足以刺激祖国钱庄弹一弹 。尾市升势咁劲,鱼缸成交亦都多返些少,全日录得523﹒7亿银。   *内银做领军缸友不用震,工行与建行升得最开心*     全球支付行业期刊《尼尔森报告》近期发布2011年度亚太地区信用卡发卡行消费额排行 榜,工行(01398)信用卡就以1514亿美金嘅年消费额,一跃成为亚太区「一哥」。如 果以信用卡发卡量计,工行更加系连续三年稳居榜首,再一次证明,呢间祖国最大钱庄真系唔系 浪得虚名。   而摩通亦都特别睇好工行,佢地发表研究报告讲「蛇年」焦点股份,认为内银板块可以追落 后,因为市场早前对于息差及资产质素过于忧虑,行业当中首选嘅就系工行。   祖国钱庄今日走势翻生,工行涨1﹒8巴仙,建行(00939)更加大涨3﹒4巴仙,中 行(03988)同交行(03328)各涨1﹒6巴仙及3巴仙。   *巴记畀个赞中移即起舞,大象卖平保传短期拍板*     升得好嘅仲有中移(00941),噚日佢地公布上客数字之后好友都有返信心,巴克莱更 加出报告出晒力唱好,话佢地上客量依家继续领先,仲畀到目标价110蚊咁高,今日股价涨 2﹒3巴仙。联通(00762)都有1﹒2巴仙进帐。   大象(00005)出售平保(02318)未有新进展,不过传闻就话,佢地曾经向阿爷 旗下嘅中投「投石问路」,不过最终中投就无乜反应。另外据闻大象同正大集团嘅「刁」已经进 入最后直路,可能会喺短时间之内拍板,大象今日就涨1﹒3巴仙,平保就轻微反弹0﹒8巴仙 。   *华创今放榜粉丝喝倒采,润燃伸手牌大力打手板*     再睇下华润系两只有消息嘅股份。身为大只佬嘅华创(00291)刚刚今日下午公布第三 季度业绩,首三季业绩表面虽然系几好,有33﹒7亿银,增加33﹒1%;但系如果净系睇基 础盈利,首三季就要跌咗4﹒8%去到近18亿,而第三季就要下降2﹒1%只有6﹒68亿银 。而佢地主打嘅啤酒业务溢利亦都录得倒退,令到缸友都要对佢提出「不信任动议」。华创午后 捱沽,全日跌咗2﹒1巴仙散场。   另一只华润仔润燃(01193)就喺股价摸顶嘅时候配股骨水,以每股16﹒95银配售 1﹒6亿股,筹资27亿银收购燃气分销业务,折让成8%咁多。今日大部分时间都系配股价下 行,最终跌8﹒1巴仙散场。   不过缸友又唔使睇得咁淡润燃,事关同行中国燃气(00384)就话营运大幅改善而发盈 喜,今日仲弹高5﹒8巴仙;咁样睇嚟,润燃企稳返再创新高嘅机会都几大。   *飙车踩行油追到无气唞,钢铁果然坚有货不烦忧*       中字派之中车仔股表现继续几省镜,有分析就话,依家祖国城市人口继续以每年 2000万人次速度增加紧,而城市人口愈多,对车仔需求亦都会愈大,相信可见将来祖国车仔 市场会继续跑赢其他经济体,难怪车仔股近排都比较强势。东风(00489)炒高4﹒5巴仙 埋单,比亚迪(01211)亦都涨3巴仙。   鞍钢(00347)今日亦都好省镜,因为佢地同阿妈互换资产,将蚀钱嘅畀阿妈、赚钱嘅 就收归己有,今日踢高7﹒4巴仙,连带马钢(00323)亦都有5﹒8巴仙落袋。   *银基盈转亏你掟我又掟,德永佳绩曳同样遇沽压*     异动股方面就要留意下只建滔积层板(01888),佢地今日突然成交大增,事关有两手 大手成交上咗板,刺激到股价大涨13﹒1巴仙散场,唔知系唔系大股东建滔化工 (00148)又再增持。建滔今日就无乜反应,微升0﹒8巴仙。   重挫股就留意只银基(00886),呢只一度系彤叔同埋祖国女股神刘央嘅爱股,无啦啦 发盈警仲要话系转盈为亏,搞到跟两位「大师」入市嘅缸友全部中晒招。佢地话因为酒类产品市 道疲弱令佢地转亏,再加上彤叔沽货,估计佢地都有排捱,全日插水11﹒3巴仙。   衫仔股德永佳(00321)公布中期业绩,盈利大跌九成,今日埋单就要插水7﹒6巴仙 散场。请请!   《编者按》本栏搜罗即日热门传闻,惟消息未经证实,《经济通》亦不保证内容之准确性        本文只供参考之用,并不构成要约、招揽或邀请、诱使、任何不论种类或形式之        申述或订立任何建议及推荐,读者务请运用个人独立思考能力自行作出投资决定        ,如因相关建议招致损失,概与《经济通》、编者及作者无涉。


关於金道
关於我们
金道贵金属
金道奖项
集团认证
金道优势
投资者保障
金道代言人
集团背景
金道集团
证券
期货
外汇
资产管理
商业地产
最新消息
公司活动
最新推广
传媒报道
实时行情
价格资讯
即时资讯
即时资讯
黄金头条
交易场动态
产业快讯
财经新闻
财经日历
专业评论
每日评论
即市评论
交易策略
金道周评
金道专栏
金道视频
金道精点
新手教学
集团风采
订阅周评
开户交易
全新客户
申请开户
账户简介
网上开户流程
其他开户方法
现有客户
账户升级
开立关联账户
模拟账户
存取指南
网上存款
网上银行转账流程
快速网银转账流程
电汇指引-电汇简介
取款流程
网上取款
网上取款流程
 
兑换率
桌面版交易平台
GTS平台
MT5平台
移动版交易平台
iPhone MT5
Android MT5
交易指南
全新客户
合约细则
交易方法
交易编码
实用工具
盈亏及利息计算
盈亏计算机
常见问题
账户问题
交易问题
其他问题
表格下载
黄金学院
交易词汇
黄金教室

联络我们