金道集团证券期货外汇资产管理贵金属商业地产
金道论坛
ENG
首页即时资讯即时资讯 财经新闻

财经新闻

《小传日记》经济暖风再吹来,香江炒上A仔呆2012-11-22 17:44:53

  《小传日记》美股噚晚企稳,由于噚日(21日)无端飞来嘅「降准」传闻得唔到证实,今 日(22日)早段鱼缸走势都唔系咁好。点知狮子行公布佢嘅系祖国PMI数据录得50﹒4, 即系处于扩张水平之后,好友就即时惊执输咁款,齐齐推返高个市,重上20日线之余,去到收 市前更加突破埋21700关口。   恒指全日收报21743,升218点;国货指数升94点,造10492。鱼缸今日成交 唔算多,只系录得496亿银。   *PMI靓仔好友即起动,电讯互追赶联通夸啦啦*     先睇返啲祖国电讯股嘅表现。噚日收市之后联通(00762)无啦啦宣布,佢地将会以 121亿人仔,向阿妈收购21个省市嘅固网网络。买固网,最大嘅用处就系减低向阿妈租用网 络嘅费用同;高佬就发表报告,预测联通喺出年将会承担28亿人仔租赁费,19亿银嘅折旧费 用,3亿财务费用等等,高佬亦都将联通2013年净利预测上调5%,去到5﹒4亿元人仔。 联通今日行情高涨,踢高3巴仙埋单。   中移动(00941)同埋中电信(00728)走势亦都见好,各涨1﹒6巴仙及1﹒9 巴仙。三只股如果要拣的话,睇势联通应该可以追返落后,因为今年以来佢地已经跌咗两成,同 大市走势可以完全脱节。   *内房荣辱见润地至叻叻,劈价来促销恒大软一软*     升得靓嘅大只佬仲有润地(01109)同中国海外(00688),各涨3﹒5巴仙及 2﹒1巴仙。润地获得瑞信赞叻仔,话佢系祖国最强嘅商场营运商。瑞信话,由于润地嘅商场位 置好靓,所以商场内部回报率有20%咁多,而佢嘅主要对手只系得10%。瑞信仲话,润地有 华润集团喺背后撑腰,所以喺多个城市都拎到靓地起商场,而润地股价同资产净值(NAV)有 40%折让咁多,叫缸友同润地谈恋爱。虽然瑞信无赚中海外,不过中海外一样系大力踢高。   咁实质上系唔系只只都咁好景?又未必。恒大(03333)主席许家印就自己爆料,上个 月有成168个项目嘅售价要减一成或以上,特别系三四线城市,依家真系好难捞,因为房价升 幅有限,而嚟紧将会落力啲捞二线城市,希望二线城市卖楼卖到好啲。劈价卖楼求量不求价,恒 大唔见2﹒2巴仙散场。另外融创(01918)升6巴仙,龙湖(00960)反弹1﹒5巴 仙。   *人保搞上市街坊玩影子,地主冀官府松松BSS*     噚日祖国钱庄喺「降准」传闻之下大幅炒上,由于只系传闻,今日升幅就收敛晒,建行 (00939)同工行(01398)各升0﹒7巴仙及1巴仙,交行(03328)涨0﹒7 巴仙,中行(03988)同农行(01288)两只都无起跌。   财险(02328)阿妈人保搞紧上市,市场反应就几热烈,一共有16个基础投资者认购 咗集资额嘅一半以上。一众保险股走势亦都唔错,平保(02318)暂时摆脱大象 (00005)减持阴影,踢高1巴仙,寿仔(02628)涨0﹒7巴仙。新华保险 (01336)更加大幅踢高1﹒9巴仙埋单。财险就只系升0﹒6巴仙。   地主股今日亦都有反弹,据闻地主会将会建议政府撤销买家印花税,再唔系就希望放生本地 人以公司登记去买楼,避免一下子令所有豪宅成交全面冰封。暂时唔知政府会唔会让步,不过一 日楼价仲系高企,可以郁动嘅空间相信都无乜。长实(00001)今日弹高2﹒2巴仙,恒地 (00012)、新世界(00017)同大好友(00083)分别升2巴仙左右。   *二千载浮沉不穿还须穿?车仔踩行油东风有消息*     虽然PMI数据反映制造业复苏,不过A仔场今日又回软,跌0﹒7巴仙收报 2015﹒61,都唔知明日会唔会再穿2000大关。   国货股表现就好过A仔场,特别系车仔股。自从祖国同日本嗌交之后,缸友都好担心嗰啲有 同日本公司合作嘅祖国车仔股,怕佢地销售下跌会影响到股价唔好睇。而广汽丰田噚日就出嚟餵 缸友食定惊丸,佢话佢喺祖国卖车已卖得好咗好多,仲差唔多返番中日嗌交前嘅水平。   缸友心谂如果日本品牌车销售都好番咁多,其他车仔应该都唔会太差。广汽(02238) 今日即刻有反应,全日抽高4﹒6巴仙,终于突破5﹒5银水平。而东风(00489)亦都有 消息话佢会同德国公司合作生产商用车,缸友一听到同德国合作就觉得兴奋,东风最后抽高 4﹒3巴仙散场。其他车仔股亦都陪升,华晨(01114)同正通(01728)埋单分别升 3﹒5巴仙同2﹒6巴仙。   *期望派得爽金沙表现强,官府不回购领汇更优悠*     今日都仲有唔少股份创咗上市新高,好似只赌股金沙(01928),缸友就憧憬佢地嚟紧 会慷慨派息,今日股价就弹高1﹒9巴仙散场。另外一只鱼缸「股王」领汇(00823),虽 然官府讲明唔会回购,不过派咗息无耐嘅佢,亦都创新高,踢高2﹒7巴仙散场。请请!   《编者按》本栏搜罗即日热门传闻,惟消息未经证实,《经济通》亦不保证内容之准确性        本文只供参考之用,并不构成要约、招揽或邀请、诱使、任何不论种类或形式之        申述或订立任何建议及推荐,读者务请运用个人独立思考能力自行作出投资决定        ,如因相关建议招致损失,概与《经济通》、编者及作者无涉。


关於金道
关於我们
金道贵金属
金道奖项
集团认证
金道优势
投资者保障
金道代言人
集团背景
金道集团
证券
期货
外汇
资产管理
商业地产
最新消息
公司活动
最新推广
传媒报道
实时行情
价格资讯
即时资讯
即时资讯
黄金头条
交易场动态
产业快讯
财经新闻
财经日历
专业评论
每日评论
即市评论
交易策略
金道周评
金道专栏
金道视频
金道精点
新手教学
集团风采
订阅周评
开户交易
全新客户
申请开户
账户简介
网上开户流程
其他开户方法
现有客户
账户升级
开立关联账户
模拟账户
存取指南
网上存款
网上银行转账流程
快速网银转账流程
电汇指引-电汇简介
取款流程
网上取款
网上取款流程
 
兑换率
桌面版交易平台
GTS平台
MT5平台
移动版交易平台
iPhone MT5
Android MT5
交易指南
全新客户
合约细则
交易方法
交易编码
实用工具
盈亏及利息计算
盈亏计算机
常见问题
账户问题
交易问题
其他问题
表格下载
黄金学院
交易词汇
黄金教室

联络我们