金道集团证券期货外汇资产管理贵金属商业地产
金道论坛
ENG
首页即时资讯 财经新闻

财经新闻

《小传日记》高位继续现整固,好友懒得赶食胡2012-12-07 17:42:02

  《小传日记》鱼缸本周突破咗全年高位之后表现都唔系咁突出,缸友似乎都仲系观望,特别 系下个星期FED又再开会,加上好快就知道美国会唔会跌入「财政悬崖」,所以唔争在等多阵 先再决定入唔入市。今日恒指跟美股高开,之后炒过上去全年新高22371,不过好快就唔争 气,尾市更加要倒跌58点散场,全日收报22191。国货指数就向好,有54点进帐收 10919。   今日有人保(01339)初登场,鱼缸成交都唔错,有756亿银。缸友就话,今年难得 12月都有唔错嘅升势同埋成交增加返,好友一定唔会咁快就食胡离场。   *等联储开会等财政悬崖,蓝筹唔愿郁国货算不俗*     鱼缸整体市况同噚日差唔多,都系再轻轻升破全年高位,之后就喺高位发呆整固,所以大只 佬嘅变动亦都唔系咁显著。睇返几只大股价表现,噚日传出大象(00005)要为洗钱案准备 定18亿美金,不过市场嘅反应无乜,证明缸友一早已经消化得八八九九,仍然有大行估计佢地 会多派少少股息,今日股价炒过上去80﹒3银再创52周新高,埋单涨0﹒4巴仙。   中移(00941)今日亦都轻微偏软,原来佢地同苹果仲未就引入iPhone倾得掂数 ,主要系分成问题未达到共识,中移唔见0﹒8巴仙。港所(00388)就宣布正式将伦敦金 属交易所收归旗下,而喺LME门口嘅水牌,亦都见到港所个大名,认真系威水。今日佢地嘅配 股亦已经上板,不过股价变动唔大,涨0﹒2巴仙埋单。   *大美人靓爆炒猛人入股,金沙与润地传闻玩伸手*     大只佬最靓仔嘅系大美人(00330),事关公司主席柯大侠就证实,同彤叔差唔多系战 友身份嘅中渝(01224)张松桥,极有可能会入股,今日股价就弹高2巴仙。   煤炭族都保持到近日嘅升势,神华(01088)踢高0﹒8巴仙,中煤(01898)亦 涨2﹒1巴仙。跌得较多嘅就有华润系两只股份,分别系华润电力(00836)同华润创业 (00291),两只分别唔见4巴仙及1﹒1巴仙。   今朝缸边有传闻话有两位大只佬计划抽水,分别系金沙(01928)同埋润地 (01109),仲话两间公司一抽就抽成200亿银。不过午间金沙已经否认佢地会配股骨水 ,一度跌超过2巴仙嘅金沙就拗身反弹,但最终跌1﹒4巴仙散场。润地就跟住其他内房股炒高 ,获得大摩唱好之下涨0﹒5巴仙埋单。   *恒指新力军昆仑小踏前,国指in与out表现相迳庭*     今日收市之后大只佬将会有调动,新力军有昆仑能源(00135)今日受到追捧创出新高 ,涨3﹒5巴仙埋单,收市之前更加有唔少基金「补飞」,成交都多咗好多。佢阿妈中石油 (00857)亦都受到带动,踢高0﹒4巴仙埋单。   国货指数亦有in有out,新加入嘅长汽(02333)今日升高1﹒7巴仙,至于被踢 走嘅比亚迪(01211),全日就要唔见2﹒9巴仙。   鱼缸另一大事就系今年嘅「巨无霸」之一人保(01339)正式挂牌,由于订价非常克制 ,佢地轻轻高开3巴仙造3﹒59银之后,股价就一直炒高,最终全日收报3﹒72银,比招股 价3﹒48银高出7巴仙,一手唔计手续费有240蚊落袋。人保好,囝囝财险(02328) 表现就非常麻麻,全日要跌0﹒6巴仙埋单。同行新华保险(01336)最靓仔,踢高2﹒9 巴仙。   *A仔返嚟啦香江跟唔贴,城镇化效应概念股当旺*     A仔场今日继续向上,全日涨1﹒6巴仙,一个星期更加弹高4巴仙,系近13个月嘅最大 涨幅。香江炒作得最劲嘅系「城镇化概念股」。城镇化其实都讲咗好耐,不过最近A仔场反弹, 缸友搵啲借口炒作个别板块。城填化必然会推动内房股、水泥股等等股价。 今日有好多祖国地主嘅最高价着晒灯,佳兆业(01638)获麦格理调升目标价,全日收升 10﹒5巴仙,花样年(01777)同样有份创新高,埋单升7﹒8巴仙;瑞房 (00272)同埋中渝置地(01224)各涨2巴仙及3巴仙。   水泥股亦得到振奋,中建材(03323)同安徽海螺(00914)各涨4﹒3巴仙及 2﹒7巴仙,山水水泥(00691)亦涨2﹒3巴仙。做起重叉机嘅龙工(03339)炒高 8﹒7巴仙。   *神农氏醒神普甜认真甜,造纸摺飞机飞得高又远*     推动城镇化,即系希望乡下人搬去城市,咁耕田嘅又系唔系无人理?又唔系噃,事关阿爷即 将出嘅一号文件,将会连续第十年讲明要扶农,一班「神农氏」只只都好醒神,好似做农业机械 嘅一拖(00038)炒起4﹒1巴仙,中化肥(00297)升高6巴仙,养猪嘅普甜 (01699)更有11﹒1巴仙落袋。   造纸股今日好似摺晒纸飞机咁,飞得好远。玖纸(02689)张茵就话公司最坏嘅情况已 经出现咗,好友见佢咁讲就即时埋镬,炒高11巴仙。另外理文造纸(02314)亦都弹高 4﹒8巴仙散场。假期愉快,请请!   《编者按》本栏搜罗即日热门传闻,惟消息未经证实,《经济通》亦不保证内容之准确性        本文只供参考之用,并不构成要约、招揽或邀请、诱使、任何不论种类或形式之        申述或订立任何建议及推荐,读者务请运用个人独立思考能力自行作出投资决定        ,如因相关建议招致损失,概与《经济通》、编者及作者无涉。


关於金道
关於我们
金道贵金属
金道奖项
集团认证
金道优势
投资者保障
金道代言人
集团背景
金道集团
证券
期货
外汇
资产管理
商业地产
最新消息
公司活动
最新推广
传媒报道
实时行情
价格资讯
即时资讯
即时资讯
黄金头条
交易场动态
产业快讯
财经新闻
财经日历
专业评论
每日评论
即市评论
交易策略
金道周评
金道专栏
金道视频
金道精点
新手教学
集团风采
订阅周评
开户交易
全新客户
申请开户
账户简介
网上开户流程
其他开户方法
现有客户
账户升级
开立关联账户
模拟账户
存取指南
网上存款
网上银行转账流程
快速网银转账流程
电汇指引-电汇简介
直接存款
取款流程
网上取款
网上取款流程
 
兑换率
桌面版交易平台
GTS平台
MT5平台
移动版交易平台
iPhone MT5
Android MT5
交易指南
全新客户
合约细则
交易方法
交易编码
实用工具
盈亏及利息计算
盈亏计算机
常见问题
账户问题
交易问题
其他问题
表格下载
黄金学院
交易词汇
黄金教室

联络我们