金道集团证券期货外汇资产管理贵金属商业地产
金道论坛
ENG
首页即时资讯 财经新闻

财经新闻

《小传日记》大象发力向上闯,鱼缸只是两头望2012-12-20 17:09:22

  《小传日记》美国噚晚(19日)又传来噩耗,事缘众议院议长博纳向总统奥巴马抛出一个 「终极方案」,要向100万美金年收入以上嘅有钱人加税,同奥巴马希望嘅40万美金有一大 段距离。双方分歧再现之下即时冷却市场气氛,美股回吐近百点,好彩系大象(00005)一 只顶得住个市,令到鱼缸未致于走晒样。   全日鱼缸整体上都系整固局面。恒指一度插穿22500关口,不过上下波幅讲紧都系 140点,尾市前又有少少买盘跟进;全日收报22659,倒升36点。国货指数就跌35点 ,造11352。   愈近圣诞假期,个市放假嘅气氛亦愈来愈浓厚,今日鱼缸成交轻轻缩一缩,有609﹒2亿 银。   *缸友等放假成交缩一缩,大象与渣打愈罚愈高兴?*     见到噚日大象喺美国上市嘅ADR表现唔错,逆市弹高超过1巴仙,就知道大象今日有运行 。今日一开市大象(00005)即刻跑出,仲要升上旧年3月以嚟嘅高位。而另一只罚钱股渣 打(02888),表现更强,开市就弹高3个巴仙,创超过半年新高。最后大象同渣打分别踢 高1﹒4巴仙同3﹒1巴仙散场。   虽然本地钱庄强势,但祖国钱庄就几乎全线瞓低!皆因《新华社》报道话,预计中国银行业 2013年嘅净利增长会放缓到7%至8%。祖国钱庄听到当然痛心,而工行(01398)嘅 坏消息仲唔止一个咁少!事关佢哋畀社保基金再度减持,涉及1200万股H股,值6553万 银。其实,今年以嚟社保已经先后四次减持工行,持股量已经由15﹒01%跌到去 11﹒99%。   *有悲亦有喜工行轻踏前,大行来围剿美人难复俏*     工行今朝最多曾经跌过2﹒5巴仙,但好快弹番起身,最后更倒升0﹒2巴仙散场,同佢地 获得大摩选入新兴市场推介股不无关系。至于其余三大行,建行(00939)跌0﹒9巴仙, 中行(03988)同农行(01288)分别跌0﹒6巴仙同升0﹒5巴仙。睇番近期,内银 都好多嘢烦,尤其陆续有理财产品出现问题,令到监管机构不断叫内银小心检查,之前爆出嘅负 面新闻有可能只系冰山一角。   另外跌得较多嘅继续有大美人(00330)份,今日仅仅守喺11蚊关口。仲有无得跌? 《彭博社》统计过23间券商,得8间系畀持有或买,但足足有15间叫缸友沽货,平均目标价 得9﹒6银,真系再跌多10%都唔出奇。大美人全日跌1﹒4巴仙埋单。   *联通数据靓中移不轻松,设备股渔人不如跳只舞*      今日大只佬之中,不得不提嘅仲有祖国电讯板块。中移动(00941)同联通 (00762)都公布咗佢地11月嘅3G上客数字,结果联通彻底跑羸!首先讲中移动,佢 11月3G上客增长减慢,净增3G客户只有311﹒7万户。至于联通,佢哋11月唔单止 3G上客加快,仲要创今年最大增长纪录!净增户数目有成325﹒7万户,比中移动嘅 311﹒7万户仲要高。另外,联通仲要有德银撑腰。德银话,联通而家距离目标价仲有约 25%嘅升幅!霎时间咁多好消息,联通似乎未反应得切,全日只系升咗0﹒7巴仙。而中移动 就踢高0﹒3巴仙。另外中电信(00728)就隔岸观火,踢高0﹒7巴仙散场。   电讯设备股亦都顺势起动,中国无线(02369)大力踢高3﹒4巴仙。而京信 (02342)同中兴(00763)就分别抽高1﹒4巴仙同1﹒9巴仙散场。   *阿爷给温暖太阳族发光,新能源板块同样有苗头*     内地太阳族方面,噚日召开嘅国务院常务会议,出咗足足五招话要帮助太阳族健康发展。五 招裹面,包括要加快产业结构调整、善加利用市场「倒逼机制」,鼓励企业兼并重组、淘汰落后 产能等等。喺太阳族未正式变得健康之前,佢地嘅股价已经变得相当健康。其中阳光能源 (00757)走势最吓人,全日大力踢高足足16﹒3巴仙。而保利协鑫(03800)只系 就轻轻踢高2﹒5巴仙。   其他洁净能源依然系劲量十足,龙源(00916)弹高2﹒5巴仙以外,大唐新能源 (01798)同埋华能新能源(00958)就分别上升4﹒4巴仙及6﹒7巴仙。   其他国货方面,做得较差嘅系水泥股,之前升得咁急依家回吐下都好正常,安征海螺 (00914)同中建材(03323)各唔见2﹒9巴仙及2﹒1巴仙。   *银娱靓爆镜德国佬添花,宏霸被质低沿海也闭翳*     圣诞就到,有唔少缸友都谂住趁假期去马交玩下,而马交赌股近日都有啲蠢蠢欲动。喺今日 ,金沙(01928)同银娱(00027)一齐抽上,同创上市新高。其中银娱有德银出嚟帮 手唱好,指银娱公布咗澳门银河第3期嘅细节,而公司谂住澳门银河第3期喺2016年开幕, 好似系太进取。但德银仍都觉得,银娱系2013年濠赌股嘅首选。以银娱嘅强劲盈利增长嚟讲 ,而家嘅价位实在系抵,仲叫缸友尽情买入,12个月目标价睇31银。结果银娱踢高4巴仙散 场。而金沙就轻轻升0﹒4巴仙。   睇番啲细价股,宏霸(00802)话今年9月,商业罪案调查科话公司可能违反咗盗窃罪 条例,上咗公司调查。而宏霸嘅内部评核委员会觉得,以而家嘅证据嚟睇,当局嘅调查同公司系 无关系嘅,亦都证明唔到公司有任何不当行为。虽然宏霸咁讲,但佢今日复牌都仍然要跌6﹒8 巴仙先散场。   另外,沿海家园(01124)有六位高层一齐话辞职,当中包括主席、几位执董同一位非 执董。咁多人一齐唔捞,难免吓亲缸友,最后沿海家园碌低7﹒3巴仙散场。至于噚日B转H嘅 中集(02039),今日开始现番回吐,全日埋单唔见2﹒9巴仙。请请!   《编者按》本栏搜罗即日热门传闻,惟消息未经证实,《经济通》亦不保证内容之准确性        本文只供参考之用,并不构成要约、招揽或邀请、诱使、任何不论种类或形式之        申述或订立任何建议及推荐,读者务请运用个人独立思考能力自行作出投资决定        ,如因相关建议招致损失,概与《经济通》、编者及作者无涉。


关於金道
关於我们
金道贵金属
金道奖项
集团认证
金道优势
投资者保障
金道代言人
集团背景
金道集团
证券
期货
外汇
资产管理
商业地产
最新消息
公司活动
最新推广
传媒报道
实时行情
价格资讯
即时资讯
即时资讯
黄金头条
交易场动态
产业快讯
财经新闻
财经日历
专业评论
每日评论
即市评论
交易策略
金道周评
金道专栏
金道视频
金道活动
新手教学
集团风采
订阅周评
开户交易
全新客户
申请开户
账户简介
网上开户流程
其他开户方法
现有客户
账户升级
开立关联账户
模拟账户
存取指南
网上存款
网上银行转账流程
快速网银转账流程
电汇指引-电汇简介
直接存款
取款流程
网上取款
网上取款流程
 
兑换率
桌面版交易平台
GTS平台
MT5平台
移动版交易平台
iPhone MT5
Android MT5
交易指南
全新客户
合约细则
交易方法
交易编码
实用工具
盈亏及利息计算
盈亏计算机
常见问题
账户问题
交易问题
其他问题
表格下载
黄金学院
交易词汇
黄金教室

联络我们